ဝါရင့်အက်ရှင်မင်းသားကြီး Sylvester Stallone ဟာ သမီးချောလေး သုံးယောက်ရဲ့ဖခင်ဖြစ်ပြီး သမီးတွေ ရည်းစားနဲ့ဖြတ်မရရင် ကြားထဲက ဝင်ကူညီပြီး ပြတ်သွားအောင် လုပ်ပေးတတ်တယ်လို့ ဆိုပါတယ်။ ဒီအကြောင်းကိုတော့ မင်းသားကြီးရဲ့ သမီးတွေဖြစ်တဲ့ အသက်(၂၄)နှစ်အရွယ် Sophia Stallone နဲ့ အသက်(၂၂)နှစ်အရွယ် Sistine Stallone တို့က hollywood life သတင်းဌာနနဲ့ အင်တာဗျူးရာမှာ ဖောက်သည်ချခဲ့တာ ဖြစ်ပါတယ်။

“dating လုပ်တာနဲ့ ပတ်သက်ပြီး အဖေက အမြဲတမ်း အကြံဉာဏ်ကောင်းတွေ ပေးတတ်တယ်။ ကောင်လေးတွေ ပို့လိုက်တဲ့ မက်ဆေ့ခ်ျကို ဘယ်လိုပြန်ပို့ရမှန်း မသိတာမျိုးဆိုရင်လည်း အဖေက အကြံပေးတယ်။ ဒါမှမဟုတ် ကောင်လေးတစ်ယောက်နဲ့ ဖြတ်ချင်ပြီဆိုရင်လည်း ဘယ်လိုပုံစံနဲ့ အပြတ်ဖြတ်ရမယ်ဆိုတာမျိုး အကြံဉာဏ်တွေ အမြဲပေးတယ်။ အဖေ့ဆီကတစ်ဆင့် ဖြတ်လိုက်တဲ့ ကောင်လေးတွေတောင် ရှိတယ်။ သူတို့ကတော့ ဘာမှန်းတောင် သိလိုက်မှာ မဟုတ်ဘူး … ” လို့ Sistine က ဆိုပါတယ်။

မင်းသားကြီးဟာ သမီးတွေရဲ့အချစ်ရေးမှာ အမြဲတမ်း ပါဝင်ပြီး အကြံဉာဏ်တွေပေးကာ ထိန်းကျောင်းတတ်တဲ့ အကြောင်းကိုတော့ Stallone ရဲ့ဇနီးသည် Jennifer Flavin နဲ့ အသက်(၁၈)နှစ်အရွယ် အငယ်ဆုံးသမီးလေး Scarlett Stallone တို့ကပါ ထောက်ခံထားပါတယ်။

“ကျွန်မတို့ထဲက တစ်ယောက်နဲ့ တွဲမယ်ဆိုရင် တစ်အိမ်လုံးနဲ့ တွဲရသလို ဖြစ်မှာပါ။ ကျွန်မတို့အကုန်လုံးဆီက ထောက်ခံချက်မရဘဲနဲ့ အဲ့ဒီ့လူက အိမ်ထဲ ဝင်လာလို့မရပါဘူး။ ဒါပေမယ့် ကျွန်မတို့အကုန်လုံးဆီက သဘောတူညီမှုရမယ်၊ ဘုတ်အဖွဲ့ရဲ့ မီးစိမ်းပြတာလည်း ရမယ်ဆိုရင်တော့ အဲ့ဒီ့လူဟာ ရိုးသားဖြောင့်မတ်ပြီး ယောက်ျားပီသတဲ့သူမို့လို့ပါပဲ… ” လို့ Sistine က ဆိုပါတယ်။

သို့ပေမယ့် Stallone မိသားစုဟာ သမီးပျိုလေးတွေဆီ ချဉ်းကပ်လာတဲ့ ယောက်ျားပျိုတွေကို ခက်ထန်စွာ ဆက်ဆံတာမျိုး မဟုတ်ဘဲ သူတို့ရဲ့မျှော်လင့်ချက်နဲ့ ကိုက်ညီတဲ့သူကို ပိုဦးစားပေးလိုတဲ့သဘောပါပဲလို့ အကြီးဆုံးသမီး Sophia က ပြောပြပါတယ်။

“ကျွန်မတို့က ချဉ်းကပ်လာတဲ့သူတွေအပေါ် မာရေကျောရေ ဆက်ဆံတာမျိုး မဟုတ်ပါဘူး။ ဒါကိုမှ မလုပ်ရင် စမ်းသပ်မှု မအောင်မြင်ဘူးဆိုတာမျိုးလည်း မဟုတ်ပါဘူး။ ကျွန်မတို့မိသားစုက လုံးဝကို ပွင့်ပွင့်လင်းလင်းနဲ့ ဖော်ဖော်ရွေရွေ ဆက်ဆံတတ်တဲ့ မိသားစုပါ …” လို့ Sophia က ပြောပြထားပါတယ်။

Stallone မိသားစုကို အထင်ကြီးစေမယ့် ယောက်ျားမျိုးက ဘယ်လိုလည်းဆိုတာကိုတော့ Sistine က ဖောက်သည်ချထားပါတယ်။ “ကျွန်မတို့မိသားစုက တစ်ယောက်ကို အချက်တစ်ခုစီ လိုချင်ကြတာ။ ညီမလေးကဆိုရင် ဟာသဉာဏ်ရွှင်တဲ့လူကို သဘောကျတယ်။ အဖေကကျတော့ ယောက်ျားပီသတဲ့သူမျိုးကို သဘောကျတယ်။ အမေကကျတော့ လူကြီးလူကောင်းပုံစံမျိုးကို သဘောကျတယ်။ ဒါကြောင့်လည်း ကျွန်မတို့တွေ ဆင်ဂယ်လ်ဖြစ်နေကြတာပါ … ” လို့ ဆိုပါတယ်။

Sistine ကတော့ “ကျွန်မက စကားပြောကောင်းတဲ့သူမျိုး လိုချင်တယ်။ ဉာဏ်ရည်မြင့်မားပြီးတော့ ကျွန်မကို ပြန်သင်ကြားပေးနိုင်မယ့်သူမျိုးပေါ့။ ပြီးတော့ ကျွန်မက လုံးဝဟာသဉာဏ် မရှိတဲ့သူဆိုတော့ ဟာသဉာဏ်ရွှင်တဲ့သူမျိုး၊ အမြဲတမ်း ရယ်မောနေရအောင် လုပ်ပေးနိုင်တဲ့သူမျိုးကို လိုချင်တယ်… ” လို့ စိတ်ကူးထဲက ချစ်သူပုံစံကို ပြောပြပါတယ်။

Sophia ကတော့ သူမနဲ့အကြိုက်တူတဲ့သူမျိုးကို လိုချင်တယ်လို့ ဆိုထားပါတယ်။ “ကျွန်မကတော့ ကျွန်မနဲ့အတူ ဟယ်ရီပေါ်တာ ကြည့်နိုင်မယ့်သူမျိုး လိုချင်တယ်။ ကျွန်မကို အမြဲတမ်း cool ဖြစ်နေရမယ်ဆိုတဲ့ လိုအပ်ချက်မျိုး မရှိတဲ့သူပေါ့။ ကျွန်မ ပြောချင်တာက ကျွန်မ cool ဖြစ်ချင်တဲ့အချိန်ဆို ဖြစ်မယ်ကွာ။ အချိန်တိုင်းတော့ cool မဖြစ်နိုင်ဘူးလေ။ ပြီးတော့ ပျော်ပျော်နေတတ်တဲ့သူမျိုးပေါ့။ အကုန်လုံးကို အတည်ပေါက်ကြီးတွေ လိုက်လုပ်နေတဲ့လူကိုတော့ မကြိုက်ဘူး။ ပြောရရင် ရိုးရိုးကုတ်ကုတ်နဲ့ လူကောင်းတစ်ယောက်ကို လိုချင်တာပါ… ” လို့ ဆိုပါတယ်။

Sophia နဲ့ Sistine တို့ ညီအစ်မဟာ Unwaxed လို့ အမည်ပေးထားတဲ့ podcast တစ်ခုကို စတင်ထုတ်လွှင့်နေကြတာဖြစ်ပြီး အဆိုပါ podcast မှာတော့ သူတို့ရဲ့ dating life နဲ့ ပတ်သက်တဲ့ အကြောင်းအရာတွေကို ပြောပြသွားမှာ ဖြစ်ပါတယ်။ Unwaxed ကိုတော့ iTunes နဲ့ Spotify တို့မှာ အပတ်စဉ် အင်္ဂါနေ့တိုင်း နားဆင်နိုင်ပါတယ်။

Source: hollywood life

credit – sanyitwine