တရုတ်လက်နက်ကိုင်တပ်ဖွဲ့များသည် ၎င်းတို့၏ စွမ်းရည်များကို တိုးမြှင့်နေသော်လည်း ထိုင်ဝမ်အား အပြည့်အဝ ထိုးစစ်ဆင်တိုက်ခိုက်နိုင်သည့် စွမ်းဆောင်ရည် ကင်းမဲ့နေဆဲဖြစ်ကြောင်း ထိုင်ဝမ်ကျွန်းစု၏ ကာကွယ်ရေးဝန်ကြီးဌာနက သြဂုတ် ၃၁ တွင် ထုတ်ပြန်ခဲ့သည်။

ပေကျင်းသည် ၎င်း၏အချုပ်အခြာအာဏာပိုင်နယ်မြေအဖြစ် ရှုမြင်သော ထိုင်ဝမ်ကျွန်းစုတစ်ဝိုက်တွင် စစ်ရေးလှုပ်ရှားမှုများကို အရှိန်မြှင့်လုပ်ဆောင်နေသည်။ ထိုင်ဝမ်အား ၎င်းတို့၏ထိန်းချုပ်မှုအောက်သို့ သွတ်သွင်းရန် အင်အားအသုံးပြုနိုင်ခြေကို တရုတ်က မည်သည့်အခါမျှ မပယ်ချခဲ့ပေ။

တရုတ်သမ္မတ ရှီကျင်ပင်းသည် စစ်ရေးဆိုင်ရာ ခေတ်မီစေရေးအစီအစဉ်ကို ကြီးကြပ်နေပြီး စတဲ့သ်တိုက်လေယာဉ်များ၊ လေယာဉ်တင်သင်္ဘောများနှင့် အခြားလက်နက်များအား ထပ်မံ ပေါင်းထည့်ခဲ့သည်။ တရုတ်လေတပ်နှင့် ရေတပ်တို့ကလည်း ထိုင်ဝမ်အနီး ပုံမှန်စစ်ရေးလေ့ကျင့်ခြင်း သို့မဟုတ် မစ်ရှင်များ ထမ်းဆောင်ခြင်း လုပ်ဆောင်နေသည်။

ထိုင်ဝမ်ပါလီမန်သို့ တင်သွင်းသော တရုတ်၏ နှစ်စဉ် စစ်ရေးစွမ်းဆောင်ရည်ဆိုင်ရာ အစီရင်ခံစာတွင် ထိုင်ဝမ်ကာကွယ်ရေးဝန်ကြီးဌာနက ထိုင်ဝမ်ကျွန်းစုအား တရုတ်တပ်များက ပိတ်ဆို့ခြင်းနှင့် ကမ်းလွန်နေရာများအား သိမ်းယူခြင်းတို့အပါအဝင် တရုတ်၏ တုံ့ပြန်ဆောင်ရွက်နိုင်မှုများအတွက် စိတ်မှန်းဖြစ်နိုင်ခြေများကို ဖော်ပြခဲ့သည်။

တရုတ်စစ်တပ်သည် ကျည်အစစ်ဖြင့် ပြုလုပ်သော စစ်ရေးလေ့ကျင့်မှုများကို အားကောင်းစေခြင်း၊ တိုက်ပွဲအမျိုးအစားသစ်များအတွက် အင်အားကို တည်ဆောက်ခြင်းနှင့် ထွက်ပေါ်စ နည်းပညာနှင့် လက်နက်များအား တည်ဆောက်ခြင်းတို့အတွက် ဆက်လက်၍ အားသွန်ခွန်စိုက်လုပ်ဆောင်နေကြောင်း ရိုက်တာက မြင်တွေ့ခဲ့ရသော ထိုအစီရင်ခံစာတွင် ဖော်ပြခဲ့သည်။

သို့သော် ထိုင်ဝမ်ကို ဦးတည်သော စစ်ဆင်ရေးဆိုင်ရာနည်းဗျူဟာနှင့် မဟာဗျူဟာတို့တွင်မူ တရုတ်သည် ထိုင်ဝမ်ရေလက်ကြား၏ သဘာဝပထဝီအနေအထားအရ ကန့်သတ်ခံထားရဆဲဖြစ်ပြီး တရုတ်၏ ကမ်းတက်စစ်ဆင်ရေး အသုံးအဆောင်များနှင့် ထောက်ပံ့ပို့ဆောင်ရေး စွမ်းဆောင်ရည်များသည် လုံလောက်မှု မရှိသေးကြောင်း ထိုအစီရင်ခံစာတွင် ဖော်ပြခဲ့သည်။

ထိုင်ဝမ်အား အပြည့်အဝ တိုက်ခိုက်ရန်အတွက် တရုတ်တွင် သတ်သတ်မှတ်မှတ်ဖြစ်သော တိုက်ခိုက်ရေးစွမ်းရည်လည်း ကင်းမဲ့နေဆဲဖြစ်ကြောင်း ယင်းအစီရင်ခံစာက ဖော်ပြခဲ့သည်။

ထိုင်ဝမ်၏ ကိုယ်ပိုင်ကာကွယ်ရေးစွမ်းရည်အား မြှင့်တင်ခြင်းကို ဦးစားပေးအဖြစ် လုပ်ဆောင်နေသော ထိုင်ဝမ်သမ္မတ ဆန်အင်းဝမ်က ထိုင်ဝမ်၏ကာကွယ်ရေးလုပ်ငန်းကို အဆင်မြှင့်တင်ခြင်း၊ ထိုင်ဝမ်၏ အရေးပါဆုံး မဟာမိတ်နှင့် လက်နက်များ အဓိကထောက်ပံ့ပေးသည့် အမေရိကန်ထံမှ အဆင့်မြင့်လက်နက်များအား တိုးမြှင့်ဝယ်ယူခြင်းတို့ လုပ်ဆောင်နေသည်။

ဆန်က သူသည် တရုတ်နှင့် ငြိမ်းချမ်းရေးကို လိုလားပြီး ပဋိပက္ခဖန်တီးသွားမည် မဟုတ်ကြောင်း ပြောကြားခဲ့သော်လည်း ဒေသတွင်း တင်းမာမှုမြင့်တက်လာနေခြင်းကြောင့် ရန်လိုတိုက်ခိုက်မှုများ မတော်တဆ ဖြစ်ပေါ်မည်ကို စိုးရိမ်ကြောင်း ပြီးခဲ့သောသီတင်းပတ်တွင် ပြောကြားခဲ့သည်။

ထိုင်ဝမ်သည် တရုတ်နှင့် စစ်ပွဲဖြစ်ရန် ကြိုးပမ်းနေခြင်း မရှိသော်လည်း တရုတ်၏ အမှန်တကယ်နှင့် လေလုံးဖြင့်ပါ ခြိမ်းခြောက်မှုများအား အနီးကပ် ဆက်လက်စောင့်ကြည့်နေကြောင်း ထိုင်ဝမ်ကာကွယ်ရေးဝန်ကြီးဌာနက ထုတ်ပြန်ခဲ့သည်။

News-Eleven